Помолимся, друзья!
С 14 ноября не прекращаются боевые действия между сектором Газа и Израилем. Пострадали южные города Израиля, включая Тель-Авив, есть погибшие. Отдельные снаряды долетают до Иерусалима. В секторе Газа количество погибших уже исчисляется десятками
МОЛИТВА О МИРЕ НА СВЯТОЙ ЗЕМЛЕ
Господи, Иисусе Христе, Боже наш, Крест претерпевый и смерть, спасения ради рода человеческаго, во ад сошедый, тридневное погребение приемый, смерть поправый, диавола упразднивый и разрушивый вражды средостение, приими молитву смиренных раб Твоих, купно с Давидом псалмопевцем Тебе вопиющих о мире Святаго Сиона, Престола Царя Великаго, Матере Церквей, Преславнаго Иерусалима.
Мир даровавый роду человеческому, угаси всяку распрю и раздоры во Святей Земли, умири злобу враждующих, благослови притекающих ныне ко Гробу Твоему Живоприемному, и нас тому мысленно поклоняющихся, исходящим от сего светом Лица Твоего озари.
Пламенем любве распали к Тебе сердца наша, Христе Боже, да тою воспламеняеми, сердцем, мыслию же и душею, и всею крепостию нашею возлюбим Тя, и искренняго своего.
Яко Ты еси мир наш, и Тебе славу возсылаем, со Безначальным Твоим Отцем, и Всесвятым и Благим и Животворящим Твоим Духом, ныне и присно, и во веки веков.
Аминь.
